Орондоо хэвтээд мөрөөдөлд төрүүлж ахуйд
Он цаг хүйн ээж лүгээ царай өгмүү
Шуудхан босоод хэл үггүйгээр алсарч одохуй
Шулуухан цаг хугацаа газар доргих мэт чичирмүү
***
Туурай хөлдөм жавар
Туулын хөндийд тачигнана
Муухай сэтгэлийн хажууд
Мутраар илбүүлэх мэт санагдана
***
Ядам хуруундаа өргөх
Сэржим тасраагүй цагт
Яруу найрагч
Жил жилд төрдөг эх орон минь
***
Хорол тооноор шувууны сүүдэр дайрахад
Ижий нь хүүгээ санах
Хойт уулнаа манан татахад
Хүү нь ижийгээ санах
***
Хөөрхий орчлонгийн үнэнийг өрөвдөөд
Хөл минь хөдлөхгүй
Гар минь савчихгүй
Гайхах ч үгүй байна би
***
Мөнх орчлон гэхээр
Мөс л бодогдоод
Мөрөөдөлгүй юутай гунигтай
Миний зүрх сэтгэл