Ижий цэцэгс хаврын борооноор дэлгэрээд
Илүү сартай зун дэлхийг баясгаж урганаа
Ихэмсэг саран уйлсан намрын шөнөөр хагдарсан ч
Ирэх жил бүр олон болж үр цэцэгс дэлбээлнээ
***
Хур мэт унах зовлонгоос
Үр мэт жаргалыг эрэн
Хувилгаан шидийг тэтгэж
Хундага дарстай нөхцнөм
***
Сайхан дуу сонсоод
Санаа минь амрав
Одоо үхэхэд гомдолгүй
***
Сэтгэлтэй болох шиг
Шүлэгт дурлаад
Сэхээрсэн сэхээрэл минь шүлэг бичих
Сэрэмгүй энэ сайхан зүүд
***
Залуу насаа бодоход
Загас бариад
Барьсан загасаа алдсан мэт
Тийм мэдрэмж төрөөд
***
Хөвүүн бага насныхаа
Аз жаргалыг хүлхэж
Хүмүүс үлдсэн насаа
Элээж дуусдаг байна
***
