Зам

Барсан дүрт уулын энгэрт
Үтэр саатан буугаад
Бадаг шүлгийн хаялагатай
Сэржим өргөн сүсэглэхүй,
Уулын хөх зогдор
Хоёр гурав шилгээх мэт болоод
Усан тунгалаг түрхлэгээр
Хацар нүүрийг минь илбэв ээ.
Өглөгт уулын бэлийг
Өгсөн цаашлан одохдоо
Өөрийн эрхгүй тунгалагшин
Нэгэн хоёр дуулахуй,
Тунгалаг түрхлэг, алтан толь
Тэнгэрийн хаяанаа нумраад
Тунчиг гайхам жаргалыг
Тун тунгаар эдлүүлэв ээ.
Хаялагат нэгэн харгуй
Хаашаа намайг дуудав аа
Хайран сайхан аавтайгаа
Эрдэнийн үгс хэлцсэн мэт,
Дотор болоод сэтгэлд
Долоон бурхан жингэнээд
Дорно салхи залгилан
Дув дуугай мэлмэрэв ээ.